سبزہ زار میں فائرنگ، ایک شخص زخمی، ملزم فرار

لاہور (کرائم رپورٹر) سبزہ زار کے علاقے میں فائرنگ کے واقعے میں ایک شخص زخمی ہو گیا، جس کے بعد علاقے میں خوف و ہراس پھیل گیا۔ ابتدائی اطلاعات کے مطابق فائرنگ کے بعد مبینہ ملزم بلال موقع سے فرار ہونے میں کامیاب ہو گیا، جبکہ زخمی ہونے والے ابن علی کو فوری طور پر طبی امداد کے لیے ہسپتال منتقل کر دیا گیا۔ واقعے کی اطلاع ملتے ہی پولیس کی نفری جائے وقوعہ پر پہنچ گئی، شواہد اکٹھے کیے اور تحقیقات کا آغاز کر دیا۔ پولیس کے مطابق واقعے کے مختلف پہلوؤں کا جائزہ لیا جا رہا ہے، جبکہ فرار ہونے والے ملزم کی گرفتاری کے لیے چھاپے مارے جا رہے ہیں اور قانونی کارروائی جاری ہے