سندر،اقبال ٹا ئون اورڈیفنس میں مقابلے عالم شیر،ہاشم ،بلال ، دانش ،بشیر اوڈھ اور عبد الغفور مارے گئے

لاہور،شیخوپورہ ،ساہیوال ، فیصل آباد  مبینہ مقابلے ،13ملزم ہلاک 
لاہور میں 2پولیس اہلکار بھی زخمی ہو ئے شیخوپورہ میں دومنشیات فروش ،ایک ڈاکو مارا گیا ،تھانہ ڈیرہ رحیم کی حدود میں 2ڈاکو ندیم عرف دیمی اور آ دتہ ،فیصل آباد میں شاہد،فاروق عرف فاروقی مارے گئے 
 لاہور (کرائم رپورٹر )لاہور،شیخوپورہ ،ساہیوال اورفیصل آباد کے علاقوں میں مبینہ مقابلوں میں 2منشیات فروشوں سمیت 13ملزم ہلاک ا ور2کانسٹیبل زخمی ہوگئے،بتایاگیاہے کہ لاہور کے علاقے سندرمیں سی سی ڈی چوہنگ کی ٹیم زیرحراست ملزموں عالم شیر اور ہاشم کو ریکوری کیلئے لے جارہی تھی کہ اسی دوران انکے ساتھیوں نے پولیس پارٹی پر فائرنگ کر دیا اور جوابی کارروائی میں دونوں ملزم ہلاک ہو گئے جبکہ پولیس کانسٹیبل تصور میو اور نامدار زخمی ہوئے جنہیں ہسپتال منتقل کر دیا گیا، اسکے علاوہ سی سی ڈی اقبال ٹا ئون کے مقابلے میں زیرحراست ملزم بلال عرف موٹااور دانش ہلاک ہوگئے جو متعدد وارداتوں میں ملوث تھے جبکہ ڈیفنس کے علاقے میں سی سی ڈی نے ناکہ بندی کے دوران تین موٹر سائیکل سواروں کو روکا توملزموں نے پولیس پر فائرنگ کردی اورجوابی کارروائی میں دو ملزم بشیر اوڈھ اور عبد الغفور مارے گئے جن تعلق بوریوالہ سے ہے ۔ علاوہ ازیں سی سی ڈی شیخوپورہ کی ٹیم نے آر او ڈاکٹر عبدالحنان کی سربراہی میں کارروائی کرتے ہوئے دومنشیات فروش اورایک ڈاکوکوماراڈلا،پولیس کے مطابق مقابلے ونڈالہ ناصر، مرزا ورکاں روڈ، چیچو کی ملیاں میں اس وقت ہوئے سی سی ڈی ٹیم نے مشتبہ ملزموں کو روکنے کی کوشش کی تو ملزموں نے فائرنگ شروع کر دی ،جوابی کارروائی میں تینوں ملزم غلام مرتضیٰ سکنہ شرقپور خورد، طارق سکنہ جنڈیالہ شیر خان اور زین سکنہ برج اٹاری مارے گئے، پولیس کے مطابق تینوں ملزم مختلف تھانوں کو متعدد سنگین مقدمات میں مطلوب اور ریکارڈ یافتہ تھے۔ادھر ساہیوال کے تھانہ ڈیرہ رحیم کی حدود میں نواحی گا ئوں112/9-ایل کے قریب سی سی ڈی کاڈاکو ئوں کے ساتھ مقابلہ ہوا ہے جس میں2ڈاکو ندیم عرف دیمی اور آ دتہ مارے گئے جو مختلف مقدمات میں ریکارڈ یافتہ تھے جبکہ ان کے دوساتھی فرارہوگئے۔دریں اثنافیصل آباد میں سی سی ڈی جڑانوالہ کی ٹیم نے سید والہ روڈ پر ناکے پر 2 مشکوک موٹر سائیکل سواروں کو رکنے کا اشارہ کیا توانہوں نے رکنے کی بجائے پولیس پر فائرنگ کر دی اور موٹر سائیکل چھوڑ کر بھاگ نکلے ،تعاقب کے بعد حمادکے چک کے قریب انکو گھیر لیا گیاجہاں پر دو طرفہ فائرنگ کے بعد سی سی ڈی ٹیم نے ایک ملزم شاہد سکنہ 378 گ ب کو زخمی حالت میں گرفتار کر لیا جبکہ اسکا ساتھی فرار ہو گیا ، زخمی ڈاکو کو ہسپتال منتقل کیا مگر وہ جانبر نہ ہو سکا۔ ہلاک ملزم ڈکیتی چوری اور راہزنی کے 15 مقدمات کا ریکارڈ یافتہ ملزم تھا جبکہ تھانہ ائیر پورٹ کے علاقہ میں سی سی ڈی اقبال ڈویڑن نے جھنگ روڈ چوہلہ پل کے قریب موٹر سائیکل سوار تین مشکوک افراد کو روکنا چاہا تو ملزموں نے فائرنگ کردی،اطلاع ملتے ہی سی سی ڈی لائلپور ڈویڑن کی ٹیم بھی پہنچ گئی اور دوطرفہ فائرنگ کے دوران منشیات فروشی،اقدام قتل اورراہزنی کے مقدمات میں ملوث ملزم فاروق عرف فاروقی سکنہ نیو سول لائن زخمی حالت میں پکڑاگیااور ہسپتال میں دم توڑگیا۔ دوسری طرف اوکاڑہ میں تھانہ طیب سعید کی حدود چک نمبر 29 ٹو آر کے قریب تین ڈاکو شہری سلیم سے لوٹ مار کے بعد فرار ہو ئے تو پولیس نے تعاقب کیا ،فائرنگ کے دوران 56مقدمات میں ریکارڈیافتہ ملزم خالد محمود زخمی حالت میں پکڑاگیاجبکہ تھانہ شاہبھور کی حدود پل چک نمبر 33 فور ایل کے دو ڈاکو شہری وقار یونس سے واردات کے بعد بھاگے اور پولیس کے ساتھ فائرنگ کے تبادلے میں38 مقدمات میں ریکارڈ یافتہ ڈاکو فیاض زخمی حالت میں پولیس کے ہتھے چڑھ گیا۔