ملزم لیاقت محسود کے خلاف قانونی کارروائی کو مزید تیز کرتے ہوئے، ڈسٹرکٹ اینڈ سیشن جج کے حکم کے تحت ایس پی ساؤتھ نے ان کے خلاف مقدمات میں انسداد دہشتگردی کی دفعہ اور اقدام قتل کی دفعات شامل کرنے کی ہدایت جاری کر دی ہے۔
ایس پی انویسٹی گیشن ساؤتھ نے خصوصی طور پر 2 مقدمات میں انسداد دہشتگردی کی دفعات شامل کرنے کا حکم دیا ہے، تاکہ ملزم کے خلاف سخت کارروائی کی جا سکے۔ایس پی ساؤتھ نے پولیس افسران کو ہدایت کی کہ ملزم کے خلاف انسداد دہشتگردی ایکٹ کی دفعات شامل کر کے عدالت میں رپورٹ پیش کی جائے۔ گزشتہ سماعت میں عدالت نے ملزم کی عبوری ضمانت مسترد کرتے ہوئے واضح کیا تھا کہ ملزم کی فائرنگ اور دہشت پھیلانے کے شواہد موجود ہیں، جس کے باعث دہشتگردی کی دفعات کا اندراج ضروری ہے۔
پولیس کے مطابق، گارڈن کے علاقے میں ڈمپر کی ٹکر سے شہری شاہزیب جاں بحق ہو گیا تھا۔ واقعے کے بعد، ملزم کے گارڈ نے مکینوں پر فائرنگ کی تھی، جس کے بعد مقدمات درج کیے گئے ہیں۔ اب قانون کے مطابق، ملزم کے خلاف سخت کارروائی کی جائے گی تاکہ دہشت گردی کے خلاف موثر اقدام اٹھایا جا سکے۔
