لاہور:پنجاب حکومت نے گراں فروشی کی روک تھام اور شہریوں کو معیاری و سستے داموں اشیائے ضروریہ کی فراہمی یقینی بنانے کے لیے "سہولت آن دی گو بازار" کے قیام کا بڑا فیصلہ کر لیا ہے۔
15 نظرانداز علاقوں میں منصوبے کا آغاز
ترجمان سہولت بازار کے مطابق ابتدائی طور پر لاہور کے 15 ایسے علاقے جہاں مہنگائی اور سہولیات کی کمی کا سامنا ہے، وہاں آن دی گو سہولت بازار قائم کیے جائیں گے۔ اس منصوبے پر ورکنگ مکمل کر لی گئی ہے اور اگلے 15 دنوں میں عملی کام کا آغاز کر دیا جائے گا۔
بازار کی اہم خصوصیات
مجموعی طور پر 871 اسٹالز لگائے جائیں گے
یہ ملک کا پہلا اور منفرد ڈرائیو تھرو بازار ہو گا
ہر بازار میں لگائی جائے گی اسٹیٹ آف دی آرٹ ٹینسائل فیبرک
شہریوں کیلئے فراہم کی جائے گی:
مفت پارکنگ
پینے کے پانی کی سہولت
فریزر ہوم ڈلیوری سروس
دکانداروں کو مفت بجلی فراہم کی جائے گی تاکہ اضافی اخراجات نہ ہوں
بازار کے مقامات
یہ بازار لاہور کے مندرجہ ذیل علاقوں میں قائم کیے جائیں گے:
ملتان روڈ
ہنجروال
مانگا منڈی
رائیونڈ
جی ون مارکیٹ، مصطفیٰ ٹاؤن
فیصل ٹاؤن
مون مارکیٹ
بیدیاں روڈ
مادرِ ملت
گلشن راوی
شاہدرہ
شادمان
سنگھ پورہ
کاہنہ
حکومتی مؤقف
حکام کا کہنا ہے کہ ان بازاروں کے قیام سے شہریوں کو معیاری اور سرکاری نرخ پر اشیاء کی بروقت فراہمی ممکن ہو گی اور مہنگائی میں نمایاں کمی آئے گی۔
