شہر لاہور میں گراں فروشی کا سلسلہ بدستور جاری ہے، جہاں بیشتر مقامات پر بنیادی اشیاء سرکاری قیمتوں سے زائد قیمتوں پر فروخت ہو رہی ہیں، جس سے عوام کو شدید پریشانی کا سامنا ہے۔
مثال کے طور پر، لاہور کے معروف اناکلی بازار میں روٹی کی قیمت 14 روپے کی بجائے 16 روپے تک فروخت کی جا رہی ہے۔ یہ قیمتوں کا اضافی بوجھ عوام پر پڑ رہا ہے اور روزمرہ کی خریداری میں مشکلات پیدا ہو رہی ہیں۔اسی طرح، دودھ کی سرکاری قیمت 170 روپے فی کلو کے بجائے 190 روپے فی کلو میں فروخت ہو رہا ہے، جبکہ دہی کی قیمت 180 روپے فی کلو کے بجائے 220 روپے فی کلو تک پہنچ چکی ہے۔یہ قیمتیں عام شہریوں کے لئے قابل برداشت نہیں ہیں اور اس بات کا اظہار عوامی سطح پر کیا جا رہا ہے کہ گراں فروشی کے خلاف فوری اقدامات کی ضرورت ہے تاکہ صارفین کو مناسب قیمتوں پر اشیاء دستیاب ہو سکیں۔
