مادھو لال حسین کا سالانہ عرس شروع، آجمقامی تعطیل ہوگی

چراغاں اور دیگر تقریبات ،تجارت و کاروبار میں بھی رونق بڑھ جاتی ہے
لاہور(آئی این پی )حضرت مادھو لال حسین کا سالانہ عرس و میلہ چراغاں   آج( ہفتہ)  سے شروع ہو گا۔ ذرائع کے مطابق محکمہ اوقاف و مذہبی امور نے میلے کی مناسبت سے مقامی تعطیل کے لیے پنجاب حکومت کو مراسلہ بھجوا دیا ۔ میلہ چراغاں پر ہر سال مقامی تعطیل ہوتی ہے، اور اس سال بھی مراسلے کے مطابق  آج 28 مارچ کو تعطیل دی جائے گی۔ یہ میلہ چراغاں نہ صرف مذہبی اہمیت رکھتا ہے بلکہ مقامی ثقافت اور روایتی تقریبات کا حصہ بھی ہے۔  اس موقع پر زائرین کی بڑی تعداد حضرت مادھو لال حسین  کے مزار پر حاضری دیتی ہے، چراغاں اور دیگر تقریبات منعقد کی جاتی ہیں، اور مقامی تجارت و کاروبار میں بھی رونق بڑھ جاتی ہے۔