لاہور (خصوصی رپورٹ) لاہور ہائیکورٹ کے جسٹس ملک محمد اویس خالد نے بسنت منانے کے قانون کے خلاف دائر درخواستوں پر گزشتہ سماعت کا تحریری فیصلہ جاری کر دیا۔ عدالت نے ڈپٹی کمشنر لاہور کیپٹن (ر) محمد علی اعجاز اور دیگر متعلقہ افسروں کو آج ذاتی حیثیت میں طلب کرتے ہوئے سپیشل سیکرٹری سکول ایجوکیشن، سپیشل سیکرٹری ہائیر ایجوکیشن ڈیپارٹمنٹ اور ڈی جی پی آر کو بھی عدالت میں پیش ہونے کا حکم دے دیا۔عدالت نے سپیشل سیکرٹری ہوم کو ہدایت کی کہ وہ بسنت کے حوالے سے تمام متعلقہ افسروں اور سٹیک ہولڈرز کے ساتھ میٹنگ کریں اور حفاظتی اقدامات پر مشاورت کے بعد تفصیلی رپورٹ عدالت میں پیش کریں۔ عدالت نے بسنت کے موقع پر قائم کیے جانے والے میڈیکل کیمپوں میں مناسب طبی عملے کی فراہمی یقینی بنانے کی بھی ہدایت کی اورمخصوص علاقوں میں بسنت کا تہوار منانے کے معاملے پر سپیشل سیکرٹری ہوم سے تفصیلی رپورٹ طلب کر لی۔ سماعت کے دوران سپیشل سیکرٹری ہوم نے بسنت کے موقع پر کیے جانے والے حفاظتی اقدامات سے متعلق رپورٹ عدالت میں پیش کی۔ایس پی سٹی نے عدالت کو آگاہ کیا کہ موٹر سائیکل سواروں کی حفاظت کے لیے دس لاکھ اینٹینا راڈ تقسیم کیے جا چکے ہیں۔ بسنت کے موقع پر ڈبل ون ڈبل ٹو کے تحت 70 موبائل آن کلینک کی سہولت فراہم کی جائے گی۔ عدالت نے ہدایت کی کہ جن علاقوں میں موبائل کلینکس فراہم کیے جائیں وہاں متبادل صحت سہولیات بھی یقینی بنائی جائیں۔
تازہ ترین
- ڈربن ٹیسٹ: ہیزل ووڈ کی شاندار بولنگ، آسٹریلیا نے جنوبی افریقا کو 214 رنز سے ہرا دیا
- لٹن داس نے ٹیسٹ کرکٹ میں نیا ریکارڈ قائم کر دیا
- ورلڈ ٹی ٹوئنٹی کانٹی نینٹ کپ: پاکستانی اور بھارتی کھلاڑی ایک ٹیم میں شامل
- معزول وزیراعلیٰ خیبر پختونخوا کی بازیابی کے لیے آئینی درخواست دائر
- بانی پی ٹی آئی سے ملاقات کا مقررہ وقت ختم، پارٹی رہنماؤں اور اہل خانہ کو اجازت نہ مل سکی
- حافظ نعیم الرحمان کا پارلیمانی جماعتوں کے سربراہان کو خط، پٹرولیم لیوی مقرر کرنے کا اختیار حکومت سے واپس لینے کا مطالبہ
- پی ٹی آئی کا شو ختم ہوچکا، خیبرپختونخوا میں ایمرجنسی کا فیصلہ عوام کے مفاد میں ہے، فیصل واوڈا
- پنجاب حکومت کا دیہی خواتین کی معاشی ترقی کا پروگرام وسیع کرنے کا فیصلہ
- خیبرپختونخوا میں گورنر راج اور ایمرجنسی کا معاملہ، جے یو آئی نے مرکزی مجلسِ شوریٰ کا اجلاس طلب کرلیا
- لیونل میسی کو بیلن ڈی اور تقریب میں ذمہ داری ملنے کا امکان
