190ملین پائونڈ کیس:عمران خان اور بشری بی بی کا سزا کے خلاف اسلام آبادہائیکورٹ سے رجوع

   اسلام آباد (آئی این پی ) بانی  پی ٹی آئی عمران خان اور ان کی اہلیہ بشری بی بی نے 190 ملین پائونڈ ریفرنس میں سزا کے خلاف اسلام آباد ہائیکورٹ میں اپیلیں دائر کردی ۔ عمران خان اور بشری بی بی کی اپیلیں بیرسٹر سلمان صفدر نے تیار کیں جبکہ خالد یوسف چوہدری نے دائرکیں۔اپیل میں موقف اپنایا گیا ہے کہ نیب نے بدنیتی سے اپنے اختیارات کا غلط استعمال کیا، نامکمل تفتیش کی بنیاد پر جلد بازی میں سزا سنائی گئی۔اپیل میں کہا گیا ہے کہ نیشنل کرائم ایجنسی سے معاہدے کا متن حاصل نہ کرنا تفتیشی ایجنسی کی ہچکچاہٹ کو واضح کرتا ہے