بارڈر گواسکر ٹرافی کے دوران ویرات کوہلی کے رویے نے تنازعات کو جنم دیا ہے۔ میلبرن ٹیسٹ میچ سے قبل، ویرات کوہلی نے ایئرپورٹ پر صحافیوں اور کیمرہ مین سے تلخ کلامی کی، جس پر بھارتی میڈیا میں غم و غصہ پایا گیا۔
دوران میچ، انہوں نے ڈیبیو کرنے والے 19 سالہ آسٹریلوی بیٹر سیم کونسٹاس سے فیلڈ پر الجھائی، جس پر انہیں تنقید کا سامنا کرنا پڑا۔ آسٹریلوی میڈیا نے انہیں "جوکر" اور "مسخرا" قرار دیتے ہوئے سخت تنقید کی، جس پر بھارتی میڈیا برہم ہو گیا۔ اس کے بعد، ویرات کوہلی محض 36 رنز بنا کر وکٹ گنوا بیٹھے اور پویلین روانہ ہوتے ہوئے مداح سے الجھ پڑے۔ سیکیورٹی گارڈ کی مداخلت سے معاملہ ٹھنڈا ہوا، لیکن واقعہ کی تصاویر وائرل ہو گئیں، جس پر انہیں مزید ٹرول کیا جا رہا ہے۔دورہ آسٹریلیا کے دوران، ویرات کوہلی کا بیٹ خاموش رہا، اور محض ایک سینچری کے علاوہ وہ ناقدین کو جواب دینے سے قاصر رہے۔ ان کے رویے اور کارکردگی پر مسلسل تنقید کی جا رہی ہے، جو ان کے لیے ایک ڈراؤنے خواب کی مانند ہے۔
