ٹرمپ کی مودی کو 4 فون کالز،ایک بھی ریسیو نہیں کی،جرمن اخبار

 رویہ نئی دہلی کے "شدید غصے اور احتیاط" کو ظاہر کرتا ہے: قریبی تعلق بھی متاثر ہوا 
 یہ دعوی درست ہے تو اس کا مطلب ہے کہ تعلقات کسی بحران سے گزر رہے ہیں: مائیکل
برلن (آئی این پی )جرمن اخبار فرینکفرٹر الگمائنے نے انکشاف کیا ہے کہ امریکی صدر ڈونلڈ ٹرمپ نے بھارتی وزیراعظم نریندر مودی سے حالیہ ہفتوں میں چار مرتبہ فون پر رابطہ کرنے کی کوشش کی تاہم مودی نے ان کی کالز ریسیو نہیں کیں۔ رپورٹ کے مطابق مودی کا یہ رویہ نئی دہلی کے "شدید غصے اور احتیاط" کو ظاہر کرتا ہے۔ اخبار کا کہنا ہے کہ یہ صورتحال اس وقت پیدا ہوئی جب ٹرمپ انتظامیہ نے بھارت پر 50 فیصد درآمدی ٹیرف عائد کیا، جو برازیل کے بعد کسی بھی ملک پر سب سے زیادہ ہے۔امریکی تھنک ٹینک سے وابستہ تجزیہ کار مائیکل کوگلمین نے کہا کہ اگر یہ دعوی درست ہے تو اس کا مطلب ہے کہ امریکا اور بھارت کے تعلقات کسی بحران سے گزر رہے ہیں اور دونوں رہنماں کا قریبی تعلق بھی متاثر ہوا ہے