عید کے بعد اچھی خبریں آئیں گی، سینئر قیادت اپوزیشن سے رابطے میں ہے:فیصل جاوید

  جو جماعتیں آئین، قانون اور جمہوریت کیساتھ کھڑی ہوں گی ان کو پذیرائی ملے گی،میڈیا سے گفتگو
 پشاور (آئی این پی ) پی ٹی آئی کے رہنما سینیٹر فیصل جاوید نے کہا ہے کہ عید کے بعد اچھی خبریں آئیں گی، سینئر لیڈرشپ اپوزیشن جماعتوں سے رابطے میں ہے۔پشاور میں میڈیا سے گفتگو کرتے ہوئے فیصل جاوید نے کہا کہ اپوزیشن جماعتوں کا مضبوط الائنس بن رہا ہے، جو جماعتیں آئین، قانون اور جمہوریت کیساتھ کھڑی ہوں گی ان کو پذیرائی ملے گی۔فیصل جاوید نے کہا کہ آئین کی بالادستی اور جمہوریت کے لیے سب کو نکلنا ہو گا، وفاقی وزراء بیرونِ ملک دورے کر رہے ہیں انہیں عوام کی فکر نہیں۔ انہوں نے کہا کہ عوام مہنگائی کی چکی میں پس رہے ہیں اور کابینہ اپنی تنخواہیں بڑھا رہی ہے، مجھے عمرے کے لیے نہیں جانے دیا جا رہا۔