پاکستانی ڈرامے اپنی حقیقت پسند کہانیوں، سادگی اور محبت کی جھلکیوں کی وجہ سے ملک بھر میں اور بیرون ملک، خاص طور پر بھارت میں بھی بے حد مقبول ہیں۔
کامیابی کی ایک بڑی وجہ مرکزی کرداروں کے درمیان کیمسٹری ہے، کیونکہ اکثر ڈرامے یا فلم کی کہانی کمزور بھی ہو تو ہیرو اور ہیروئن کی کیمسٹری اسے سپر ہٹ بنا دیتی ہے۔تاہم، کچھ ڈراموں میں مرکزی کرداروں کی جوڑیاں ناظرین کو پسند نہیں آتیں اور وہ سوشل میڈیا پر تنقید کا نشانہ بنتے ہیں۔ 2025 کے چند ایسے ڈراموں میں یہ مسئلہ واضح ہوا:
وہاج علی اور مایا علی – 'سن میرے دل'
دونوں اداکار اپنی جاندار اداکاری کے لیے مشہور ہیں، لیکن اس ڈرامے میں ان کے درمیان کیمسٹری نظر نہیں آئی۔
فیصل قریشی اور حنا آفریدی – 'راجا رانی'
عمر کے واضح فرق کی وجہ سے ناظرین نے ان کی جوڑی کو ہضم نہیں کیا، خاص طور پر چونکہ حنا نئی ہیں اور فیصل قریشی انڈسٹری کے تجربہ کار اداکار ہیں۔
اذان سمیع خان اور کبریٰ خان – 'میری تنہائی'
بیرون ملک شوٹ ہونے کے باوجود دونوں کے درمیان کیمسٹری اور کہانی کا ربط ناظرین کو متاثر نہیں کر سکا۔
شہریار منور اور اُشنا شاہ – 'اے عشقِ جنون'
ڈرامہ کامیاب ہونے کے باوجود ناظرین کو مرکزی کرداروں کے درمیان کیمسٹری پسند نہ آئی، جس کی بڑی وجہ اُشنا شاہ کی کمزور اداکاری تھی۔
فیروز خان اور درفشاں سلیم – 'سنوال یار پیا'
فیروز خان کی شاندار اداکاری نے درفشاں سلیم کے کردار کو نمایاں ہونے سے روکا، جس سے کیمسٹری ختم ہو گئی۔
میکال ذوالفقار اور امر خان – 'دلِ نادان'
کہانی، ہدایت کاری اور اداکاری میں کمی کی وجہ سے دونوں کی جوڑی سوشل میڈیا پر شدید تنقید کی زد میں آئی۔
ہمایوں سعید اور سجل علی – 'میں منٹو نہیں ہوں'
استاد اور شاگرد کے درمیان 20 سال کے عمر کے فرق کے باوجود محبت کا دکھانا ناظرین کو ناگوار گزرا، باوجود اس کے کہ دونوں اداکار بہترین اداکاری کر رہے تھے۔
ماورا حسین اور زویار نعمان اعجاز – 'اگر تم ساتھ ہو'
لو ٹرائی اینگل کی کہانی اور کمزور اسکرپٹ کی وجہ سے یہ جوڑی ناظرین کو متاثر نہ کر سکی۔
فرحان سعید اور کنزہ ہاشمی – 'شیرین فرہاد'
کمزور کہانی اور اسکرپٹ کی وجہ سے دونوں کی کیمسٹری متاثر ہوئی اور ناظرین نے جوڑی کو پسند نہیں کیا۔
عمران اشرف اور سونیا حسین – 'معصوم'
عمران اشرف اپنی جاندار اداکاری کے باوجود اس ڈرامے میں سونیا حسین کے ساتھ کیمسٹری قائم نہ کر سکے۔
