وِیتنام میں طوفان ، ہوائی اڈے، سکول بند،لوگوں کی نقل مکانی

 طوفان 166 کلومیٹر فی گھنٹہ کی رفتار سے آج ساحلی علاقے سے ٹکرائے گا
 ہنوئی (آئی این پی )ویتنام نے سال کے سب سے طاقتور طوفان "کاجیکی کے قریب آتے ہی ہوائی اڈے و اسکول بند اور علاقے سے شہریوں کا بڑے پیمانے پر انخلا شروع کر دیا ہے۔غیرملکی خبر رساںاد ارے کے مطابق طوفان کی تیز ہوائیں 166 کلومیٹر فی گھنٹہ ( 103 میل فی گھنٹہ) کی رفتار سے چل  رہی ہیں اور توقع ہے کہ یہ آج   مرکزی ساحلی علاقے سے ٹکرائے گا۔ حکام نے خبردار کیا ہے کہ اس طوفان کے باعث بھاری بارشیں، سیلاب اور لینڈ سلائیڈز کا خطرہ ہے۔ وِیتنامی حکومت کا کہنا ہے کہ نصف ملین سے زائد افراد کو محفوظ علاقوں میں منتقل کیا جائے گا اور تمام کشتیوں کو ساحل پر رہنے کا حکم دیا گیا ہے۔ تھان ہوا اور کوآنگ بن صوبوں کے ہوائی اڈے بند کر دیئے گئے ہیں جبکہ ویتنام ایئر لائنز اور وِیٹ جیٹ نے علاقے کے لیے کئی پروازیں منسوخ کر دیں۔