اسلام آباد:وزیرِ خارجہ سینیٹر اسحاق ڈار سے چین کے سفیر جیانگ زائیڈونگ نے اسلام آباد میں اہم ملاقات کی۔
ملاقات کے دوران دونوں رہنماؤں نے پاکستان اور چین کے درمیان "موسمی اسٹریٹجک شراکت داری" کے عزم کا اعادہ کیا اور دوطرفہ تعلقات کو مزید مضبوط بنانے پر اتفاق کیا۔ملاقات میں خطے کی بدلتی ہوئی صورتِ حال پر بھی تفصیلی تبادلۂ خیال کیا گیا۔ دونوں فریقین نے باہمی تعاون اور قریبی روابط برقرار رکھنے پر زور دیا تاکہ بدلتے عالمی اور علاقائی حالات میں ایک دوسرے کی حمایت جاری رکھی جا سکے۔اس موقع پر وزیر خارجہ اسحاق ڈار نے پاک چین دوستی کو وقت کی ہر آزمائش میں کامیاب قرار دیا اور چینی قیادت کی جانب سے پاکستان کی خودمختاری، علاقائی سالمیت اور ترقی کے لئے مسلسل حمایت پر شکریہ ادا کیا۔چینی سفیر نے بھی دونوں ممالک کے مابین روایتی دوستی اور باہمی اعتماد کی تعریف کرتے ہوئے مستقبل میں ہر شعبے میں تعاون بڑھانے کے عزم کا اظہار کیا۔ملاقات خوشگوار ماحول میں اختتام پذیر ہوئی اور دونوں جانب سے اسٹریٹجک شراکت داری کو مزید مستحکم کرنے کیلئے عملی اقدامات جاری رکھنے پر اتفاق کیا گیا۔
