وزیراعظم کے مشیر رانا ثنا اللہ نے کہا ہے کہ بے نظیر انکم سپورٹ پروگرام کو مزید مؤثر بنانے کے لیے اسے بے نظیر روزگار اسکیم میں تبدیل کرنے کی تجویز زیر غور ہے۔
انہوں نے واضح کیا کہ پیپلزپارٹی کے سینئر رہنماؤں سے بات چیت ممکن ہے کیونکہ یہ پروگرام وفاقی نوعیت کا ہے اور صوبائی سطح پر بھی اس پر غور کیا جا رہا ہے۔ رانا ثنا اللہ نے سیاسی جماعتوں کے درمیان مثبت بات چیت اور باہمی مسائل کے حل کے لیے موجود کمیٹی کی اہمیت پر بھی زور دیا۔سیلاب متاثرین کے حوالے سے انہوں نے کہا کہ آزادانہ سروے کے مطابق متاثرین کی معاونت کی جائے گی اور یہ امداد صوبائی سطح پر فراہم کی جائے گی۔
