ٹوبہ ٹیک سنگھ کے رجانہ موٹروے انٹرچینج کے قریب ایک شدید ٹریفک حادثہ پیش آیا جس میں ایک ہی خاندان کے 3 افراد جاں بحق اور 11 زخمی ہو گئے۔
حادثہ اس وقت ہوا جب ملتان سے داتا دربار لاہور جا رہا خاندان ایک ہنڈائی ڈالا گاڑی میں سوار تھا، جو سبزی سے بھرے مزدا سے ٹکرا گئی۔جاں بحق ہونے والوں میں ایک سالہ بچہ شفیق، 35 سالہ ثمینہ اور 55 سالہ شمیم شامل ہیں۔ زخمی ہونے والوں میں فیضان، جمیل، اورنگزیب، ریشما، عاصمہ، امِ حبیبہ اور دیگر افراد شامل ہیں۔حادثے کے نتیجے میں خاندان کے متعدد افراد شدید زخمی ہوئے، جنہیں قریبی اسپتال منتقل کیا گیا ہے۔ حادثہ کے سبب ٹریفک کی روانی بھی متاثر ہوئی ہے۔پولیس اور ریسکیو ٹیمیں جائے وقوعہ پر پہنچ چکی ہیں اور واقعہ کی تحقیقات شروع کر دی گئی ہیں۔ یہ حادثہ ٹوبہ ٹیک سنگھ کے علاقے میں ٹریفک حادثات کی بڑھتی ہوئی تعداد اور حفاظتی اقدامات کی ضرورت کو اجاگر کرتا ہے۔
