انگلش فٹبال کلب آرسنل کے ہیڈ آف اسپورٹس میڈیسن ڈاکٹر ظفر اقبال کے پاکستان سے تعلق کی تفصیلات سامنے آئی ہیں۔
برطانوی پاکستانی ڈاکٹر ظفر اقبال کا تعلق گوجرہ میں پیدا ہونے والے ایک خاندان سے بتایا جاتا ہے جبکہ ان کی فیملی ساہیوال سے تعلق رکھتی ہے۔ انہوں نے 2024 میں آرسنل کو جوائن کیا تھا اور اس سے قبل وہ دیگر معروف کلبوں جیسے Crystal Palace F.C. اور Liverpool F.C. کے ساتھ بھی بطور اسپورٹس میڈیکل پروفیشنل کام کر چکے ہیں۔رپورٹس کے مطابق ڈاکٹر ظفر اقبال کھیلوں کی میڈیکل فیلڈ میں ایک تجربہ کار ماہر سمجھے جاتے ہیں اور ان کی خدمات کو بین الاقوامی سطح پر سراہا جاتا ہے۔ بتایا جاتا ہے کہ پاکستان کے کئی کرکٹرز بھی فٹنس اور انجری مسائل کے حوالے سے ان سے مشاورت کرتے ہیں۔ان کی پیشہ ورانہ مہارت کی وجہ سے وہ یورپی فٹبال میں ایک نمایاں مقام رکھتے ہیں اور بڑے کلبوں کے میڈیکل اسٹاف کا حصہ رہ چکے ہیں۔
