لاہور پولیس کے اسسٹنٹ سب انسپکٹر (اے ایس آئی) کے خلاف خاتون ڈاکٹر کو ہراساں کرنے کے الزام میں مقدمہ درج کرلیا گیا۔
تفصیلات کے مطابق:
لاہور پولیس کا کہنا ہے کہ گلبرگ میں متاثرہ لیڈی ڈاکٹر کی مدعیت میں اے ایس آئی نور خان کے خلاف مقدمہ درج کیا گیا ہے۔
خاتون ڈاکٹر کا بیان:
متاثرہ ڈاکٹر نے بتایا کہ ان کے خلاف ساؤنڈ ایکٹ کے تحت مقدمہ درج تھا، جس پر اے ایس آئی نے ان سے رابطہ کیا اور کریمنل ریکارڈ سے نام نکلوانے کے بدلے میسجز پر بات کرنے کا مطالبہ کیا۔متاثرہ ڈاکٹر نے مزید الزام لگایا کہ اے ایس آئی نور خان نے انہیں گلبرگ میں ایک ٹی شاپ پر بلایا اور وہاں جسمانی طور پر ہراساں کیا۔
پولیس کارروائی:
پولیس نے واقعے کا نوٹس لیتے ہوئے متاثرہ ڈاکٹر کی درخواست پر مقدمہ درج کر لیا اور اے ایس آئی کے خلاف مزید قانونی کارروائی جاری ہے۔
