سکھر:عوام پاکستان پارٹی کے سربراہ شاہد خاقان عباسی نے کہا ہے کہ پاکستان مسلم لیگ (ن) کو حکومت میں ہونے کے باوجود عوام کی پذیرائی حاصل نہیں ہو رہی۔
میڈیا سے گفتگو
سکھر میں میڈیا سے بات کرتے ہوئے شاہد خاقان عباسی نے کہا:انہیں ن لیگ سے کوئی ناراضگی نہیں ہے۔وہ سکھر میں پارٹی کی تنظیم سازی کے لیے موجود ہیں۔مختلف شہروں سے تعلق رکھنے والے افراد عوام پاکستان پارٹی میں شمولیت اختیار کر رہے ہیں۔
پارلیمانی معاملات پر تبصرہ
شاہد خاقان عباسی نے کہا کہ:حکومت اور اپوزیشن کی باتیں پارلیمنٹ کے اندر ہونی چاہئیں۔موجودہ گفتگو کے بارے میں سوال اٹھاتے ہوئے انہوں نے کہا کہ کیا یہ باتیں عوام اور پاکستان کے مفاد میں ہیں؟
عوامی مسائل پر بات
انہوں نے کہا کہ:عوام اور ملک کی پرواہ کسی کو نہیں ہے۔سندھ کے عوام 6 کینالوں کے معاملے پر پریشان ہیں، جس کی طرف کسی کی توجہ نہیں ہے۔شاہد خاقان عباسی نے عوامی مسائل کے حل کے لیے سنجیدہ اقدامات کرنے کی ضرورت پر زور دیا۔
