وفاقی وزیر داخلہ محسن نقوی سے امریکی سفیر نیٹلی بیکر کے مابین اہم ملاقات ہوئی ہے۔
اس دوران دونوں رہنماؤں نے خطے کی مجموعی صورتحال اور امن و استحکام سے متعلق امور پر تفصیلی تبادلہ خیال کیا۔ملاقات میں، پاکستان اور امریکہ کے مابین دوطرفہ تعاون اور مختلف شعبوں میں تعاون کو بڑھانے کے حوالے سے بات چیت کی گئی۔ پولیس آفیسرز کے باہمی پروگرامز اور تربیتی امور پر بھی گفتگو ہوئی، جس کا مقصد پولیس فورسز کے درمیان تعاون اور تربیت کے معیار کو بہتر بنانا ہے۔اس کے علاوہ، منظم جرائم، منشیات کی سمگلنگ، اور انسانی سمگلنگ کے خلاف باہمی تعاون بڑھانے پر بھی اتفاق رائے ظاہر کیا گیا ہے۔ امریکی سفیر نے خطے میں امن اور استحکام کے لیے فیلڈ مارشل کی مثبت سفارتی کردار کی بھرپور تعریف کی، جس سے دونوں ممالک کے تعلقات کو مزید مضبوط بنانے کا پیغام دیا گیا ہے۔ اس موقع پر وفاقی سیکرٹری داخلہ بھی موجود تھے۔
