پنجاب اسمبلی کا اجلاس آج دوپہر 2 بجے شروع ہوگا، جس کے لیے ایجنڈا جاری کردیا گیا ہے۔
اس اجلاس میں مختلف اہم امور پر بحث اور منظوری دی جائے گی۔ایجنڈے کے مطابق، اجلاس میں محکمہ خزانہ سے متعلق سوالات دریافت کیے جائیں گے، جن کے جواب صوبائی وزیر خزانہ مجتبیٰ شجاع الرحمان دیں گے۔ اس کے علاوہ، زیرو آور اور تحاریک التوائے کار بھی پیش کی جائیں گی۔
اہم قانونی اور تعلیمی بلز میں شامل ہیں:
دی یونیورسٹی آف لاہور ترمیمی بل 2026، جسے منظور کیا جائے گا۔
ریولوشن یونیورسٹی فیصل آباد بل 2026، غنی یونیورسٹی شیخوپورہ بل 2026، اور یونیورسٹی آف مینجمنٹ اینڈ ٹیکنالوجی لاہور ترمیمی بل 2026، جو بھی پیش کیے جائیں گے۔
پرائیویٹ ممبرز ڈے کے موقع پر نجی جامعات سے متعلق مختلف بلز اور قراردادیں بھی ایوان میں پیش ہوں گی۔
دیگر اہم بلز میں پنجاب گورنمنٹ سرونٹس ہاؤسنگ فاؤنڈیشن ترمیمی بل 2026، پنجاب کریمنل پراسیکیوشن سروس انسپیکٹوریٹ ترمیمی بل 2026، اور پنجاب سکلز ڈویلپمنٹ اینڈ انٹرپرینیورشپ اتھارٹی بل 2026 شامل ہیں۔
اس کے علاوہ، پنجاب اسمبلی میں 4 موجودہ اور 4 زیر التوا قراردادیں بھی زیر بحث آئیں گی۔
اجلاس کے دوران دو اہم آرڈیننسز بھی پیش کیے جائیں گے:
پنجاب موٹر وہیکل تھرڈ امینڈمنٹ آرڈیننس 2026
املاک مینجمنٹ اتھارٹی آف پنجاب آرڈیننس 2026
یہ اجلاس متعدد قانونی، تعلیمی اور انتظامی امور پر غور و خوص کے لیے اہمیت کا حامل ہے۔
