ویب ڈیسک: لاہور کے قذافی اسٹیڈیم میں ہونے والے پاکستان سپر لیگ (پی ایس ایل) میچز کے سلسلے میں لاہور ٹریفک پولیس نے جامع ٹریفک پلان جاری کر دیا ہے۔
چیف ٹریفک آفیسر (سی ٹی او) لاہور ڈاکٹر اطہر وحید نے بتایا کہ میچ کے دوران شہریوں کی سہولت اور روانی کو برقرار رکھنے کے لیے خصوصی اقدامات کیے گئے ہیں۔
ٹریفک پلان کی تفصیلات:
اہلکاروں کی تعیناتی:
پی ایس ایل میچز کے دوران 600 کے قریب ٹریفک وارڈنز اور افسران ڈیوٹی سر انجام دیں گے۔
رانگ پارکنگ کے خلاف کارروائی:
رانگ پارکنگ کو روکنے کے لیے 20 فورک لفٹرز اور 4 بریک ڈاؤن گاڑیاں ہمہ وقت الرٹ رہیں گی۔
پارکنگ کے مخصوص مقامات:
ڈیفنس سے آنے والے افراد: سی بی ڈی سنٹر پوائنٹ سے ٹرن لے کر اپنی گاڑیاں پارک کریں گے۔
فیروز پور روڈ سے آنے والے: گورنمنٹ کالج گلبرگ میں پارکنگ کی جائے گی۔
ڈیفنس کینٹ کے شرکا: مین بلیوارڈ گلبرگ سے لبرٹی میں گاڑیاں پارک کریں گے۔
مغل پورہ اور گڑھی شاہو سے آنے والے: سن فورٹ ہوٹل لبرٹی کے قریب پارکنگ میسر ہوگی۔
روڈ بندش اور ٹریفک کا بہاؤ:
سی ٹی او کا کہنا تھا کہ لاہور کی کسی بھی مرکزی سڑک کو مستقل طور پر بند نہیں کیا جائے گا۔
تمام اہم سڑکیں جیسے:
مال روڈ
جیل روڈ
کینال روڈ
فیروز پور روڈ
مین بلیوارڈ گلبرگ
… تمام روٹس ٹریفک کے لیے کھلے رہیں گے۔
شہریوں کے لیے اہم ہدایات:
شہری رانگ پارکنگ سے گریز کریں اور صرف مقررہ پارکنگ مقامات پر گاڑیاں کھڑی کریں۔
راستہ ایپ اور راستہ ایف ایم 88.6 کے ذریعے شہریوں کو تازہ ترین ٹریفک معلومات فراہم کی جائیں گی۔
سی ٹی او ڈاکٹر اطہر وحید نے یقین دہانی کروائی کہ شہریوں اور شائقین کرکٹ کو ٹریفک کے حوالے سے کسی قسم کی دقت کا سامنا نہیں ہوگا اور تمام تر اقدامات شہری سہولت کو مدنظر رکھتے ہوئے کیے گئے ہیں۔
