میٹا نے انسٹا گرام اسٹوریز کو مزید بہتر اور جدید بنانے کے لیے نئے جنریٹیو آرٹیفیشل انٹیلی جنس (اے آئی) پر مبنی فیچرز متعارف کروائے ہیں۔
اس اقدام کے تحت صارفین اپنی اسٹوریز کو مختلف طریقوں سے ایڈیٹ اور ری اسٹائل کر سکیں گے، جس سے ان کی تخلیقی صلاحیتیں مزید نکھر جائیں گی۔
تصاویر اور ویڈیوز کا ایڈیٹ کرنا:
صارفین اب اپنی انسٹا گرام اسٹوریز میں تصاویر اور ویڈیوز کو مختلف انداز میں ایڈٹ، ہٹائیں یا تبدیل کر سکتے ہیں۔ یہ فیچر اصل میں جون 2025 سے شروع ہونے تھا، مگر اب اسے مزید بہتر اور استعمال میں آسان بنا دیا گیا ہے۔
فوٹو ری اسٹائلنگ:
صارفین اپنی اسٹوریز میں موجود فوٹو کو جنریٹیو اے آئی کی مدد سے مختلف اسٹائلز اور انداز میں ری اسٹائل کر سکیں گے۔ اس سے تصاویر کو نیا انداز دینے میں مدد ملے گی۔
اسٹیکرز کا اضافہ:
دوستوں اور فالوورز کے لیے اسٹوریز میں اسٹیکرز شامل کرنا بھی ممکن ہوگا، جس سے اسٹوریز مزید دلکش اور انٹرایکٹو بن جائیں گی۔ اسٹیکرز کو ایپ کے نیچے دائیں جانب نئے براؤزر آئیکون کے ذریعے دیکھا اور منتخب کیا جا سکے گا۔
موسمی اور تہوار کے اثرات (Effects):
صارفین اپنی اسٹوریز میں موسم، تہوار یا خاص تقریبات کے مطابق نئے ایفیکٹس شامل کر سکیں گے، تاکہ ان کی پوسٹ زیادہ جذباتی اور پرکشش بن جائے۔
مختصر ویڈیوز کی ری اسٹائلنگ:
کم وقت والی ویڈیوز کو بھی نیا انداز دینے کا آپشن ملے گا، جس سے ویڈیوز کو زیادہ دلکش اور منفرد بنایا جا سکے گا۔
ٹیکسٹ ری اسٹائلنگ:
اسٹوریز میں موجود ٹیکسٹ کو بھی نئے انداز میں ری اسٹائل کیا جا سکے گا۔ اے آئی سے تیار کردہ خاص ٹیکسٹ اسٹائلز کا استعمال کرکے پوسٹ کو مزید پروفیشنل اور دلکش بنایا جا سکتا ہے۔
میٹا اے آئی کا استعمال:
صارفین خود بھی میٹا کا فراہم کردہ اے آئی ٹول استعمال کر کے ان فیچرز کا فائدہ اٹھا سکتے ہیں، جو ان کی تخلیقی صلاحیتوں کو بڑھانے میں مددگار ثابت ہوگا۔
