ٹرمپ ایران کے ساتھ سفارت کاری میں دلچسپی رکھتے ہیں: وائٹ ہائوس

واشنگٹن (آئی این پی)وائٹ ہائوس کی ترجمان کیرولین لیویٹ  نے کہا ہے کہ صدر ڈونلڈ ٹرمپ ایران کے ساتھ جوہری پروگرام پر مذاکرات میں اب بھی دلچسپی رکھتے ہیں۔ کیرولین لیویٹ نے اپنے انٹرویو میں کہا کہ اگر ایرانی حکومت ایک پرامن سفارتی حل کی جانب آنے سے انکار کرتی ہے  جس میں صدر اب بھی دلچسپی رکھتے ہیں اور بات چیت کے لیے تیار ہیں تو ایرانی عوام کو اس پرتشدد حکومت سے اقتدار واپس لینے کا حق کیوں نہیں ہونا چاہیے، جو دہائیوں سے انہیں دبا رہی ہے؟امریکی صدرڈونلڈ ٹرمپ نے سوشل میڈیا پر ایک پوسٹ میں لکھا کہ اگر موجودہ ایرانی حکومت ایران کو دوبارہ عظیم بنانے میں ناکام رہتی ہے، تو حکومت کی تبدیلی کیوں نہ ہو؟