نامعلوم افراد کی فائرنگ ، سیشن جج عبد الحکیم کاکڑ جاں بحق

عبد الحکیم کاکڑ کوئٹہ سے سیشن کورٹ مستونگ آرہے تھے، ایڈیشنل سیشن جج طارق لاشاری سمیت 2 افراد شدید زخمی ہوئے
مستونگ (مانیٹرنگ ڈیسک) ولی خان کے علاقے میں نامعلوم افراد نے سیشن جج کی گاڑی پر فائرنگ کردی۔ڈی پی او اللہ بخش بلوچ کے مطابق فائرنگ سے سیشن جج عبدالحکیم کاکڑ اور ان کا گن مین جاں بحق ہوگئے جبکہ ایڈیشنل سیشن جج طارق لاشاری سمیت 2 افراد شدید زخمی ہیں۔ڈی پی او کا بتانا ہے کہ سیشن جج اور ایڈیشنل سیشن جج کوئٹہ سے سیشن کورٹ مستونگ آرہے تھے، واقعے کے بعد علاقے کی ناکہ بندی کردی گئی ہے