چین نے دریائے براہمپترہ پر ڈیم کی تعمیر شروع کردی

نئی دہلی  (آئی  این پی )چین کی جانب سے دریائے برہمپترہ پر ڈیم کی تعمیر کا آغاز کردیا  ، جس پر بھارت  کو تشویش لاحق ہو گئی ہے۔بھارت کی آبی جارحیت کا منہ توڑ جواب دیتے ہوئے چین نے دریائے براہمپترہ پر کنٹرول کی تیاری شروع کردی ہے، جو  علاقائی پانی کی سیاست میں بھارت کی پسپائی کا آغاز ہے۔  ماہرین چین کے اس ڈیم منصوبے کو  بھارت کی ناکامی  کے طور پر دیکھ رہے ہیں۔ بھارتی نشریاتی ادارے این ڈی ٹی وی ورلڈ کے مطابق چین نے تبت اور بھارت سے گزرنے والے براہمپترہ دریا پر میگا ڈیم کی تعمیر شروع کر دی ہے، جس کی افتتاحی تقریب میں وزیراعظم لی چیانگ نے بھی شرکت کی ہے۔