محمود خان اچکزئی کی بطور اپوزیشن لیڈر تقرری آئینی عدالت میں چیلنج

اسلام آباد(آئی این پی )قومی اسمبلی میں محمود خان اچکزئی کی بطور اپوزیشن لیڈر تقرری کو وفاقی آئینی عدالت میں چیلنج کر دیا گیا۔اکبر ایس بابر کی جانب سے شوکت عزیز صدیقی کے ذریعے دائر درخواست میں موقف  اختیار کیا گیا ہے کہ محمود اچکزئی کی بطور اپوزیشن لیڈر تقرری کا نوٹیفکیشن کالعدم قرار دیا جائے۔درخواست میں مزید استدعا کی گئی ہے کہ کیس کے حتمی فیصلے تک مذکورہ نوٹیفکیشن معطل کیا جائے۔ درخواست گزار کے مطابق  سپیکر قومی اسمبلی کو جانچنا چاہیے تھا کہ اپوزیشن لیڈر کی نامزدگی آزادانہ اور شفاف طریقے سے عمل میں آئی یا نہیں۔درخواست میں کہا گیا  کہ تقرری کے عمل میں قانونی تقاضے پورے نہیں کیے گئے۔ عدالت سے استدعا ہے کہ معاملے کی مکمل جانچ پڑتال کے بعد مناسب حکم جاری کیا جائے۔