فتنہ پارٹی کے دور میں بچوں کو مار دو، گرا دو، بم بنا لو کا سبق دیا گیا( عظمی بخاری)

آج نوازشریف کی بیٹی کا دور ہے جس میں بچوں کے ہاتھ میں لیپ ٹاپ دیئے جارہے ہیں: وزیر اطلاعات پنجاب کا بیان
لاہور(سپیشل رپورٹر)وزیر اطلاعات پنجاب عظمی بخاری  نے کہا ہے  فتنہ پارٹی کے دور میں بچوں کو مار دو، گرا دو، بم بنا لو کا سبق دیا گیا۔سماجی رابطوں کے پلیٹ فارم پر اپنے بیان میں صوبائی وزیر اطلاعات عظمی بخاری نے کہا کہ آج طلبہ میں اسکالرشپ چیک تقسیم کرنے کی تقریب میں مریم نواز کی خوشی دیدنی تھی۔پی ٹی آئی کے دورِ حکومت پر تنقید کرتے ہوئے انہوں نے کہا  ایک پچھلا فتنے اور فتنہ پارٹی کا دور گزرا، اس دور میں قوم کے بچوں کو مار دو،گرا دو،ڈنڈے پکڑ لو،پیٹرول بم بنا لو کی تلقین کیا کرتیتھے۔عظمی بخاری نے تحریک انصاف کی حکومت کا موازنہ موجودہ حکومت سے کرتے ہوئے کہا کہ  ایک یہ نوازشریف  کی بیٹی کا دور ہے جس میں بچوں کے ہاتھ میں لیپ ٹاپ دیئے جارہے ہیں۔انہوں نے مزید کہا کہ طلبہ کی سہولت کے لیے الیکٹرک بائیکس، کاروبار کے لیے قرض حسنہ اور بچوں کی تعلیم کے لیے اسکالر شپس دی جارہی ہیں۔