ویب ڈیسک : لاہور میں سورج کی تیز کرنوں نے موسم کو مزید گرما دیا ہے، جبکہ ہلکی ہوائیں چلنے کے باوجود گرمی کی شدت میں کمی نہیں آئی۔
شہریوں کو شدید گرم موسم اور فضائی آلودگی دونوں کا سامنا ہے۔
موجودہ درجہ حرارت اور پیش گوئی
محکمہ موسمیات کے مطابق:شہر کا موجودہ درجہ حرارت 31 ڈگری سینٹی گریڈ ریکارڈ کیا گیا ہےزیادہ سے زیادہ درجہ حرارت 38 ڈگری سینٹی گریڈ تک جانے کا امکان ظاہر کیا گیا ہےآئندہ 24 گھنٹوں کے دوران سورج اور بادلوں کی آنکھ مچولی جاری رہنے کی پیش گوئی کی گئی ہے
فضائی آلودگی کی صورتحال تشویشناک
لاہور کی فضائی آلودگی ایک بار پھر خطرناک حدیں عبور کر چکی ہے، اور شہر دنیا کے آلودہ ترین شہروں کی فہرست میں پہلے نمبر پر آ گیا ہے۔
مختلف علاقوں کی آلودگی کی تفصیلات:
سید مراتب علی روڈ: 404
جوہر ٹاؤن: 382
عسکری 10: 318
مجموعی ایئر کوالٹی انڈیکس (AQI): 286
ماہرین کی تنبیہ
ماحولیاتی ماہرین اور صحت کے اداروں نے شہریوں کو غیر ضروری طور پر باہر نہ نکلنے، ماسک کے استعمال، اور پانی کا زیادہ استعمال کرنے کا مشورہ دیا ہے۔مزید یہ کہ عوام سے اپیل کی گئی ہے کہ گاڑیوں کا غیر ضروری استعمال کم کریں اور ماحول دوست عادات اپنائیں تاکہ آلودگی پر قابو پایا جا سکے۔
