اسلام آباد :داخلی و خارجی راستے کھلے، ٹریفک رواں دواں، شہری افواہوں پر یقین نہ کریں

اسلام آباد ( آن لائن) اسلام آبادکے تمام داخلی و خارجی راستے کھلے ہیں جبکہ اندرونِ شہر ہر قسم کی ٹریفک معمول کے مطابق رواں دواں ہے۔ وفاقی دارلحکومت کی پولیس کے مطابق راستوں کی ممکنہ بندش سے متعلق فیصلہ احتجاج کی صورتحال کو دیکھتے ہوئے کیا جائے گا، جس میں شہریوں کے جان و مال کے تحفظ کو مدنظر رکھا جائے گا۔اسلام آباد پولیس نے شہریوں سے اپیل کی ہے کہ افواہوں پر یقین نہ کریں اور سڑکوں کی بندش یا ٹریفک سے متعلق معلومات کے لیے پولیس کے سرکاری ذرائع پر انحصار کریں۔پولیس کے مطابق اس کے آفیشل سوشل میڈیا اکاؤنٹس اور آفیشل ایکس اکاؤنٹ سے نشر ہونے والی معلومات ہی مصدقہ ہیں