پنجاب غیرت کے نام پر قتل کیسوں کی تحقیقات سی سی ڈی سے کرنے کا فیصلہ

 دائرہ کار کو مزید وسیع کرنے کا فیصلہ،اب صوبے میں غیرت کے نام پر ہونے والے قتل کے تمام واقعات کی تفتیش یہ کونسل یا محکمہ کرے گا
 لاہور( کرائم رپورٹر ) غیرت کے نام پر قتل کے کیسز کی تحقیقات اب سی سی ڈی کرے گی۔ پنجاب حکومت نے کرائم کنٹرول ڈیپارٹمنٹ (سی سی ڈی) کے دائرہ کار کو مزید وسیع کرنے کا فیصلہ کیا ہے، جس کے تحت اب صوبے میں غیرت کے نام پر ہونے والے قتل کے تمام واقعات کی تفتیش یہ کونسل یا محکمہ کرے گا۔ ذرائع کے مطابق حکومت کے نئے فیصلے کے تحت اب پنجاب بھر میں غیرت کے نام پر قتل کا ہر واقعہ باقاعدہ طور پر سی سی ڈی کے حوالے کیا جائے گا تاکہ ان ہائی پروفائل کیسز کی شفاف اور جاندار طریقے سے تحقیقات کو یقینی بنایا جا سکے۔  واضح رہے کہ اس سے قبل سی سی ڈی کا دائرہ کار صرف منظم جرائم، عادی مجرمان کی سرگرمیوں اور منشیات کے بڑے کیسز تک محدود تھا، تاہم اب اس میں غیرت کے نام پر قتل جیسے سنگین سماجی جرم کو بھی شامل کر لیا گیا ہے۔