پاکستان کے آل راؤنڈر خوشدل شاہ نے اپنی حالیہ پرفارمنس سے چیمپئنز ٹرافی اور سہ فریقی سیریز کے لیے اسکواڈ میں شامل ہونے کی دوڑ میں قدم بڑھا دیا ہے۔
خوشدل شاہ بنگلا دیش پریمئیر لیگ میں شاندار آل راؤنڈر پرفارمنس کا مظاہرہ کر رہے ہیں۔ انہوں نے 3 ناقابل شکست اننگز کھیلی ہیں، جن میں 73، 46 اور 27 رنز شامل ہیں۔ اس کے علاوہ، انہوں نے 59 اور 48 رنز بھی بنائے ہیں، جبکہ 8 میچز میں 11 وکٹیں بھی حاصل کی ہیں۔خوشدل شاہ کی حالیہ فارم نے انہیں چیمپئنز ٹرافی اور سہ فریقی سیریز کے لیے ایک مضبوط امیدوار بنا دیا ہے۔ ان کے 10 ون ڈے انٹرنیشنل میچز میں 199 رنز اور 11 وکٹیں ہیں۔ ان کا آخری ون ڈے میچ اگست 2022 میں نیدر لینڈز کے خلاف تھا۔
پاکستان کرکٹ بورڈ (پی سی بی) کے ذرائع کا کہنا ہے کہ خوشدل شاہ کی پرفارمنس کو دیکھتے ہوئے ان کا نام اسکواڈ میں شامل کرنے پر سنجیدگی سے غور کیا جا رہا ہے۔ خوشدل شاہ کی آل راؤنڈر صلاحیتیں اور فارم نے انہیں قومی ٹیم کے لیے ایک قیمتی کھلاڑی بنا دیا ہے، جو کسی بھی اہم ٹورنامنٹ میں اہم کردار ادا کر سکتے ہیں۔
