عالمی شہرت یافتہ فٹبال اسٹار کرسٹیانو رونالڈو اور ان کی شریک حیات جارجینا روڈریگز نے سعودی عرب میں دو پرتعیش ولاز خرید لیے ہیں۔
یہ ولاز ریڈ سی انٹرنیشنل منصوبے کے تحت نوجوما، رِٹز کارلٹن ریزورٹ میں واقع ہیں، جو کہ ایک خصوصی اور انتہائی پرسکون جزیروں پر مشتمل ہے۔یہ رہائش گاہیں ریڈ سی ریزیڈنسز کا حصہ ہیں، جو کہ نجی جزیروں پر قائم ہیں اور زمین سے تقریباً 26 کلومیٹر دور واقع ہیں۔ یہاں پہنچنے کے لیے صرف کشتی یا سمندری جہاز کا استعمال ممکن ہے، جس سے رہائش گاہوں کی پرائیویسی اور تحفظ میں اضافہ ہوتا ہے۔ نوجوما میں مجموعی طور پر 19 مکمل طور پر علیحدہ ولاز موجود ہیں، جنہیں خاص طور پر رازداری، سکون اور قدرتی ماحول سے قربت کو مدنظر رکھتے ہوئے ڈیزائن کیا گیا ہے۔رپورٹس کے مطابق، رونالڈو نے اس مقام کو ہر لحاظ سے غیرمعمولی قرار دیا ہے اور ان کا کہنا ہے کہ انہیں اور جارجینا کو اس جزیرے کی فطری خوبصورتی بہت پسند آئی۔
انہوں نے ایک تین بیڈ روم والا اور ایک دو بیڈ روم والا ولا خریدا ہے، اور یہ دونوں رہائشیں ریزورٹ کے ابتدائی مالکان میں شامل ہوگئی ہیں۔یہ سرمایہ کاری ان کے لیے مکمل پرائیویسی اور آرام کا ذریعہ ہوگی، جہاں وہ اپنی نجی زندگی کا لطف اٹھا سکیں گے۔ رونالڈو کا یہ فیصلہ ان کی زندگی میں سکون اور فطرت کے قریب رہنے کے تئیں ان کے شوق کو ظاہر کرتا ہے، اور یہ جگہ ان کے لیے ایک خاص پناہ گاہ کے طور پر کام کرے گی۔
