شیخ زید ہسپتال :مریض کا اٹینڈنٹ دو لاکھ نقدی موبائل فون سے محروم

 لاہور(کرائم رپورٹر) لاہور کے علاقے مسلم ٹاؤن میں واقع شیخ زید ہسپتال میں چوری کی واردات پیش آئی جہاں مریض کا اٹینڈنٹ دو لاکھ سے زائد مالیت کی نقدی اور موبائل فون سے محروم ہو گیاپولیس کے مطابق سرگودھا کا رہائشی ضیاء الدین مریض کے ساتھ ہسپتال آیا ہوا تھا اور سو رہا تھا کہ نامعلوم ملزم نے اس کی شلوار کی جیب کاٹ کر رقم اور موبائل فون نکال لیادرخواست گزار کے مطابق جیب میں ایک لاکھ 20 ہزار روپے نقدی اور تقریباً ایک لاکھ روپے مالیت کا موبائل فون موجود تھا۔واقعے کی سی سی ٹی وی فوٹیج بھی سامنے آ گئی ہے جس میں ملزم کو شہری کے قریب لیٹنے کی اداکاری کرتے ہوئے دیکھا جا سکتا ہے، فوٹیج کے مطابق ملزم نے موقع پا کر خاموشی سے جیب سے نقدی اور موبائل نکال لیا اور فرار ہو گیاپولیس نے واقعے کی تحقیقات شروع کر دی ہیں جبکہ ملزم کی تلاش جاری ہے۔