یہ افسوسناک واقعہ جاپانی میوزک پروڈیوسر ہنکون کے ساتھ پیش آیا، جنہوں نے دس سال کی محنت اور بچت کے بعد 43 ملین ین (تقریباً ساڑھے 8 کروڑ پاکستانی روپے) کی فراری 458 اسپائیڈر خریدی۔
مگر گاڑی خریدنے کے صرف ایک گھنٹے بعد ہی یہ حادثہ پیش آیا۔ہنکون نے اپنی گاڑی کو ٹوکیو کے شوٹو ایکسپریس وے پر چلایا، جب اچانک گاڑی سے دھواں نکلتے دیکھا۔ فوراً گاڑی روک کر باہر نکلنے والے ہنکون نے اگلے 20 منٹ میں اپنی قیمتی گاڑی کو جلتے ہوئے دیکھا، جو بالآخر مکمل طور پر راکھ ہوگئی۔ اس دوران سڑک پر موجود دیگر گاڑیوں کے ڈرائیورز بھی یہ منظر دیکھ کر گاڑیاں روکنے پر مجبور ہوگئے۔ابتدائی تحقیقات کے مطابق حادثہ گاڑی کے انجن میں خرابی کی وجہ سے پیش آیا۔ خوش قسمتی سے، گاڑی کے مالک کو کوئی چوٹ نہیں آئی، مگر اس واقعے نے انہیں گہرا صدمہ پہنچایا۔یہ واقعہ جاپان میں فراری 458 اسپائیڈر کی مہنگی قیمت کو اور بھی زیادہ نمایاں کرتا ہے، جو ایک عام شخص کے لئے ایک عظیم سرمایہ کاری تصور کی جاتی ہے۔
