ترک وزیرِ تجارت عمر بولات نے اعلان کیا ہے کہ بعض امریکی مصنوعات کی درآمدات پر عائد اضافی محصولات کو ختم کر دیا گیا ہے۔
ترک وزارت تجارت کے مطابق، ان امریکی مصنوعات میں گاڑیاں، پھل، چاول، تمباکو اور الکوحل شامل ہیں۔ اس کے علاوہ، امریکی ایندھن اور کیمیائی مصنوعات پر بھی اضافی محصولات ختم کر دیے گئے ہیں۔وزیرِ تجارت نے بتایا کہ اس اقدام کا مقصد تجارتی تعلقات کو مزید مستحکم کرنا اور درآمدات کے عمل کو آسان بنانا ہے۔
