ترکی کے ایک معتبر اخبار نے دعویٰ کیا ہے کہ ایران پر ابتدائی اسرائیلی حملے کے دوران اسرائیلی جنگی طیارے مختصر وقت کے لیے ترک فضائی حدود میں داخل ہوئے، تاہم ترکی نے ان طیاروں کو فوراً خبردار کر کے اپنی حدود سے نکلنے پر مجبور کر دیا۔
اخبار کے مطابق جیسے ہی ترک ریڈار سسٹم نے اسرائیلی طیاروں کی موجودگی کا سراغ لگایا، ترک فضائیہ کے F-16 جنگی طیارے فوری طور پر حرکت میں آئے اور اسرائیلی پائلٹوں کو ریڈیو پیغامات کے ذریعے خبردار کیا کہ وہ ترک فضائی حدود کی خلاف ورزی سے باز رہیں۔ تنبیہ کے فوراً بعد، اسرائیلی طیارے واپس پلٹ گئے اور ترک حدود سے نکل گئے۔ترک اخبار کا مزید کہنا ہے کہ:"ترکی کو اسرائیل کے ممکنہ فضائی آپریشن کے بارے میں پیشگی انٹیلی جنس اطلاع موجود تھی، جو نیٹو انٹیلی جنس نیٹ ورک کے ذریعے حاصل ہوئی تھی۔"یہ بھی بتایا گیا ہے کہ نیٹو کے رکن ہونے کے ناطے ترکی نے اپنی مشرقی فضائی سرحدوں پر 24 گھنٹے نگرانی کا نظام فعال کر رکھا ہے، جس کی بدولت یہ فوری ردعمل ممکن ہوا۔ترک حکام کی جانب سے اس دعوے پر تاحال باضابطہ تصدیق یا تردید سامنے نہیں آئی، تاہم اگر یہ اطلاعات درست ہیں تو یہ واقعہ ایران-اسرائیل کشیدگی کے علاقائی پھیلاؤ اور ترکی کے اسٹریٹجک کردار کو اجاگر کرتا ہے۔
