مذاکرات کامیاب ملک بھر میں سیل تمام مساجدفوری کھولنے‘بیگناہ کارکنوں کو رہا کرنیکا فیصلہ

 آئندہ کسی مسجد کو سیل نہیں کیا جائے گا‘ ڈی جی آر ای سے رجسٹرڈ مدارس  فوری کھول دیئے جائیں گے‘تنظیمات اہلسنت بے گناہ افراد کی فہرست دے گی
تنظیمات اہل سنت ملک میں امن و امان کی فضا ء ہموار کرنے اور فرقہ وارانہ ہم آہنگی کیلئے اپنا کردار ادا کریں گی:حکومت کیساتھ مذاکرات میں فیصلے
اسلام آباد(آئی این پی )تنظیمات اہلِ سنت پاکستان اور اعلی سطح کے حکومتی وفد کے درمیان مذاکرات میں اہم نکات پر اتفاق کر لیا گیا۔اسلام آباد میں ہونے والے مذاکرات میں تنظیمات اہلِ سنت کے وفد کی قیادت پیرزادہ محمد امین قادری نے کی۔ وفد میں ڈاکٹر ابو الخیر محمد زبیر الوری، پیر میاں عبد الخالق قادری، ڈاکٹر میر آصف اکبر اور ڈاکٹر مفتی محمد کریم خان شامل تھے۔مذاکرات میں پاکستان بھر میں سیل کی گئی تمام مساجد فوری کھولنے کا فیصلہ اور آئندہ کسی مسجد کو سیل نہ کرنے کا فیصلہ کیا گیا۔ ڈی جی آر ای سے رجسٹرڈ مدارس بھی فوری کھولنے کا فیصلہ کیا گیا ہے۔اسی طرح بے گناہ کارکنان کو فوری رہا کرنے پر اتفاق ہوگیا، تنظیمات اہلسنت بے گناہ افراد کی فہرست مہیا کریں گی۔تنظیمات اہل سنت ملک میں امن و امان کی فضا ہموار کرنے اور فرقہ وارانہ ہم آہنگی کیلئے اپنا کردار ادا کریں گی، مذہبی اور قومی مسائل پر باہمی مشاورت جاری رکھنے کا فیصلہ کیا گیا۔