پاکستانی ڈرامہ انڈسٹری کی باصلاحیت اداکارہ منزہ عارف نے حال ہی میں ایک پروگرام میں شرکت کی، جہاں انہوں نے اپنے کیریئر، ازدواجی زندگی اور ذاتی تجربات پر کھل کر بات کی۔
منزہ عارف نے بتایا کہ وہ لاہور سے تعلق رکھتی ہیں اور ابتدا میں بطور ایجوکیشنِسٹ کام کر رہی تھیں۔ دورانِ تعلیم انہیں ڈراموں میں کام کرنے کا موقع ملا، جس کے بعد انہوں نے اداکاری کو اپنا مستقل پیشہ بنایا۔ انہوں نے کئی ڈراموں میں اپنی اداکاری سے ناظرین کے دل جیتے، جن میں حال ہی میں ختم ہونے والا سپرہٹ ڈرامہ "شیر" شامل ہے، جہاں وہ کردار شیرزمان (دانش تیمور) کی حقیقی والدہ کے طور پر نظر آئیں۔اداکارہ نے انٹرویو میں اعتراف کیا کہ ان کی کامیابی میں سب سے بڑا سہارا ان کے شوہر ہیں، جنہوں نے ہمیشہ ان پر اعتماد کیا اور ان کے کیریئر یا فیصلوں پر کبھی پابندی نہیں لگائی۔ منزہ عارف نے ایک دلچسپ واقعہ بھی شیئر کیا، جس میں انہوں نے مذاق میں اپنے شوہر سے کہا کہ "آپ چاہیں تو دوسری شادی کر لیں"، جس پر شوہر نے فوراً پوچھا کہ "تم یہ کیوں کہہ رہی ہو؟ کیا تمہارے ذہن میں کچھ ہے؟"۔
اداکارہ نے وضاحت کی کہ یہ صرف ہلکا پھلکا مذاق تھا اور ان کے شوہر نے اسے سنجیدگی سے نہیں لیا، لیکن ان کا یہ اعتماد ان کے کیریئر کی کامیابی کی ایک اہم وجہ رہا۔اس وقت منزہ عارف کراچی میں مختلف پروجیکٹس کی شوٹنگ میں مصروف ہیں اور اپنے کیریئر کے ساتھ ازدواجی زندگی کو بھی کامیابی سے نبھا رہی ہیں۔یہ انٹرویو سوشل میڈیا پر وائرل ہو گیا، جہاں ناظرین نے منزہ عارف کے شوہر کی حمایت کو ان کی کامیابی کی ایک بڑی وجہ قرار دیا ہے۔
