سابق صدر آزاد کشمیر راجہ ذوالقرنین نے پیپلز پارٹی میں شمولیت کا فیصلہ کر لیا ہے۔
ان کی اور پیپلز پارٹی آزاد کشمیر کے سیاسی انچارج چوہدری ریاض کی ملاقات میں اہم سیاسی امور پر تفصیلی مشاورت کی گئی ہے۔دوسری جانب، حکومت میں وزارتوں کی تقسیم کے معاملے پر کشیدگی بڑھ رہی ہے۔ کئی پیپلز پارٹی کے وزرا اس تقسیم سے ناراض ہیں، بعض نے اپنی نئی وزارتوں کا چارج لینے سے انکار بھی کر دیا ہے۔ اہم وزارتیں مخصوص گروپس کو دینے کے سبب دیگر ارکان ناخوش ہیں، جس سے سیاسی سطح پر اختلافات میں اضافہ کا خدشہ ہے۔ پارٹی قیادت ناراض وزرا کو منانے کے لیے رابطہ کمیٹی اور چوہدری ریاض سمیت دیگر رہنماؤں کو متحرک کر چکی ہے، تاکہ مسائل حل کیے جا سکیں۔ناراض وزرا نے مطالبہ کیا ہے کہ وزارتوں کے حوالے سے فیصلے مشاورت سے کیے جائیں اور بغیر مشورہ کیے گئے فیصلوں کو قبول نہیں کریں گے۔ قیادت نے اس معاملے کو جلد حل کرنے کی یقین دہانی بھی کرا دی ہے، جس سے کابینہ کی مکمل فعالیت میں تاخیر کا امکان ہے۔
