غیرقانونی امیگریشن میں ملوث مافیا کیخلاف بے رحمانہ کریک ڈائو ن کیا جائے محسن نقوی

 ایف آئی اے کو حکومت کے ساتھ عوام کی توقعات پر پورا اترنا ہوگا، کارکردگی پر ہی ایف آئی اے کو مزید مراعات دی جائیں گی:وزیرداخلہ کی اجلاس میں گفتگو
  اسلام آباد(آئی این پی )وفاقی وزیر داخلہ محسن نقوی نے غیرقانونی امیگریشن میں ملوث مافیا کیخلاف بے رحمانہ کریک ڈائون  اور زیرو ٹالرنس پالیسی اپنانے کا حکم دے دیا۔وفاقی وزیر داخلہ محسن نقوی نے ایف آئی اے ہیڈکوارٹر اسلام آباد کا دورہ کیا اور ایف آئی اے کے شہدا کی یادگار پر حاضری دی، پھول رکھے اور فاتحہ خوانی کی، انہوں نے شہدا کی عظیم قربانیوں کو زبردست الفاظ میں خراج عقیدت بھی پیش کیا۔بعدازاں وزیر داخلہ محسن نقوی نے ایف آئی اے ہیڈکوارٹر میں اعلی سطح کے اجلاس کی صدارت کی جس میں ایف آئی اے کی جدید خطوط پر تنظم نو کا فیصلہ کیا گیا، اس حوالے سے جامع پلان بھی طلب کر لیا۔انہوں نے ادارے کو مزید فعال بنانے کیلئے قوانین اور رولز میں ضروری ترامیم پر فوری کام کا آغاز کرنے کی ہدایت کی اور ایف آئی اے کے لئے فوری طور جدید ٹیکنالوجی اور مطلوبہ ہتھیاروں کی منظوری بھی دی۔محسن نقوی نے کہا کہ ایف آئی اے کو حکومت کے ساتھ عوام کی توقعات پر پورا اترنا ہوگا، کارکردگی پر ہی ایف آئی اے کو مزید مراعات دی جائیں گی، غیر قانونی امیگریشن میں ملوث مافیا سے آہنی ہاتھوں سے نمٹا جائے، بے رحمانہ کریک ڈائون اور زیرو ٹالرنس پالیسی اپنائی جائے