پاکستان اسٹاک مارکیٹ میں علاقائی کشیدگی کے باوجود سرگرمیاں جاری ہیں۔ اس سلسلے میں، ایس ای سی پی نے پاکستان سٹاک ایکسچینج میں دو نئی کمپنیوں کی لسٹنگ کی منظوری دے دی ہے۔
ایس ای سی پی کے مطابق، ستارہ پیٹرولیم 168 ملین حصص بک بلڈنگ کے ذریعے فروخت کرے گی، جس میں 75 فیصد حصص ادارہ جاتی سرمایہ کاروں کے لیے مختص ہوں گے اور 25 فیصد حصص رٹیل سرمایہ کاروں کو دیے جائیں گے۔ کمپنی رواں مالی سال میں اپنی پہلی اشاعت (آئی پی او) کے ذریعے 75 ملین حصص جاری کرے گی۔دوسری جانب، ایل ایس ای سپیک ون کا آئی پی او 5 ملین حصص پر مشتمل ہے۔ اس کمپنی کا مقصد تین سال کے اندر اندر اکتساب اور سرمایہ کاری کے منصوبوں پر کام کرنا ہے۔ سرمایہ کاروں کو ہدایت دی گئی ہے کہ وہ سرمایہ کاری سے قبل پراسپیکٹس کا جائزہ لیں۔ایس ای سی پی حکام کا کہنا ہے کہ رواں مالی سال میں سٹاک مارکیٹ میں آئی پی اوز کی تعداد 11 تک پہنچ گئی ہے، جو مارکیٹ کی سرگرمیوں میں اضافہ ظاہر کرتا ہے۔
