کینیڈا کے شہر ٹورنٹو میں ایک مقبول کلب میں اقرا عزیز اور صحیفہ جبار کے درمیان جھگڑے کا واقعہ پیش آیا، جس کی تفصیلات حالیہ ویڈیوز اور انٹرویوز میں سامنے آئیں۔
اس واقعے کا مرکزی سبب یاسر حسین کا رویہ بتایا گیا ہے، جنہوں نے کلب میں ضرورت سے زیادہ دوستانہ اور غیر مناسب انداز اپنایا تھا۔صحیفہ جبار نے ایک انٹرویو میں وضاحت کی کہ یاسر حسین کا رویہ غیر مہذب اور حد سے زیادہ دوستانہ تھا، جس پر اقرا عزیز کو غصہ آ گیا۔ غصے میں آکر اقرا عزیز نے یاسر حسین کے چہرے پر ڈرنک مارا اور صحیفہ کو بھی تھپڑ مارا، جس کے نتیجے میں کلب انتظامیہ نے فوری طور پر تینوں کو باہر نکال دیا۔صحیفہ جبار نے اس واقعے کے بارے میں بات کرتے ہوئے کہا کہ یہ ایک غلط فہمی تھی اور اصل غلطی اقرا عزیز کی تھی۔ انہوں نے اعتراف کیا کہ ان کی بھی غلطی کچھ حد تک تھی، لیکن زیادہ تر ذمہ داری اقرا پر تھی۔
وجاہت رؤف کے شو میں بات چیت کے دوران صحیفہ نے کہا کہ یہ واقعہ ایک غلط فہمی اور جذباتی ردعمل کا نتیجہ تھا، اور یہ بھی تسلیم کیا کہ یاسر حسین کا کردار بھی اس میں شامل تھا، کیونکہ انہوں نے بھی اس دوران کچھ غیر مہذب حرکتیں کی تھیں۔یہ تفصیلات سامنے آنے کے بعد یہ بات واضح ہوئی کہ یہ ایک ذاتی مسائل اور غلط فہمی کی بنیاد پر پیدا ہونے والا جھگڑا تھا، جس میں تینوں افراد کے تعلقات میں کچھ کشیدگی پیدا ہوئی۔ تاہم، بعد میں سب نے اس واقعے کو ایک غلط فہمی قرار دیا اور تعلقات کو بہتر بنانے کی کوشش کی۔
