تہران/قم : ایران کے حساس صوبے قم میں اسرائیل کے لیے جاسوسی کے الزامات کے تحت 22 افراد کو گرفتار کر لیا گیا ہے۔
یہ پیش رفت ایران اور اسرائیل کے درمیان جاری کشیدگی کے تناظر میں بہت اہم قرار دی جا رہی ہے۔
انٹیلی جنس پولیس کا مؤقف:
ایرانی میڈیا کے مطابق قم انٹیلی جنس پولیس کے سربراہ نے تصدیق کی ہے کہ:"13 جون سے اب تک 22 افراد کو گرفتار کیا گیا ہے جو اسرائیل کی خفیہ ایجنسی موساد کے لیے سرگرم تھے۔"
الزامات کی نوعیت:
انٹیلی جنس سربراہ کا کہنا ہے کہ:
گرفتار افراد عوامی رائے کو منتشر کرنے
اور اسلامی جمہوریہ ایران کے مقدس نظام کو بدنام کرنے کی کوششوں میں ملوث تھے۔
موساد ایجنٹ کی الگ گرفتاری:
اس پیش رفت سے ایک روز قبل بھی ایران نے ایک مبینہ موساد ایجنٹ کو گرفتار کرنے کا اعلان کیا تھا۔
ایرانی سرکاری نشریاتی ادارے کے مطابق:
"گرفتار مشتبہ ایجنٹ واٹس ایپ کے ذریعے اسرائیل کو ایران کی فضائی دفاعی تنصیبات کے بارے میں معلومات فراہم کر رہا تھا۔"حکام نے دعویٰ کیا کہ یہ جاسوس حساس عسکری تنصیبات کے ڈیٹا کو لیک کر رہا تھا، جس سے قومی سلامتی کو خطرہ لاحق ہو سکتا تھا۔
