بیوی پر تیزاب پھینکنے والا سفاک شوہر گرفتار

شیرا کوٹ میں چھپے ملزم کو جدید ٹیکنالوجی کی مدد سے گرفتار کیا گیا
لاہور (کرائم رپورٹر) شیرا کوٹ میں بیوی کے چہرے پر تیزاب پھینکنے والا سفاک شوہر گرفتار کر لیا گیا۔ ترجمان پولیس کے مطابق ڈی آئی جی انویسٹی گیشن سید ذیشان رضا نے گھناؤنی واردات کا نوٹس لیا تھا، پولیس ٹیم کو فوری طور پر ملزم کو گرفتار کرنے کا حکم دیا تھا۔ انچارج انویسٹی گیشن تھانہ شیرا کوٹ صفدر پرویز نے پولیس ٹیم کے ہمراہ ملزم کو گرفتار کیا۔ ایس پی انویسٹی گیشن سدرہ خان کا کہنا تھا کہ ملزم نے چند روز قبل اپنی بیوی کے چہرے اور جسم پر تیزاب پھینک دیا تھا۔ ملزم اور اس کی بیوی کے درمیان 6/7 ماہ سے ناچاکی چل رہی تھی۔ ملزم اس گھناؤنی واردات کے بعد موقع سے فرار ہو گیا تھا۔ ملزم کو جدید ٹیکنالوجی اور ہیومن انٹیلیجنس کی مدد سے گرفتار کیا گیا۔