پیپلز پارٹی پہاڑ پور کے سرگرم رہنما محمد عارف جیالہ کا انتقال ہوگیا ہے۔ مرحوم کی وفات پر گہرے دکھ کا اظہار کرتے ہوئے گورنر خیبرپختونخوا فیصل کریم کنڈی نے تعزیتی پیغام جاری کیا ہے۔
گورنر کے دفتر پشاور سے جاری بیان کے مطابق، گورنر نے کہا کہ مرحوم پیپلز پارٹی کا مخلص اور وفادار کارکن تھا، جس نے ہمیشہ ذاتی مفادات کے بجائے پارٹی کے نظریات کو ترجیح دی۔ انہوں نے کہا کہ محمد عارف جیالہ کی خدمات اور پارٹی کے لیے لگن ہمیشہ یاد رکھی جائے گی۔گورنر نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور ان کے لواحقین کو اس صدمے کو برداشت کرنے کی توفیق دے۔محمد عارف جیالہ کی وفات سے پارٹی اور مقامی سیاست میں ایک خلا پیدا ہوا ہے، اور مختلف حلقوں سے مرحوم کی شخصیت اور خدمات کی تعریف کی جا رہی ہے۔
