دبئی میں ایک اہم ٹریفک کارروائی کے دوران کم عمر بچے کو سڑک پر الیکٹرک موٹر بائیک چلانے پر 50 ہزار درہم (تقریباً 38 لاکھ پاکستانی روپے) کا جرمانہ عائد کیا گیا ہے۔
یہ واقعہ اس وقت منظر عام پر آیا جب بچے کو سڑک پر موٹر بائیک چلاتے ہوئے دیکھا گیا، جس پر پولیس نے فوری کارروائی کی۔پولیس حکام کے مطابق، بچے کی عمر کم تھی اور وہ بغیر کسی اجازت کے سڑک پر موٹر بائیک چلا رہا تھا۔ پولیس نے اس بچے کی الیکٹرک بائیک بھی ضبط کر لی ہے، تاکہ اس کی حفاظت اور دیگر ٹریفک قوانین کی پاسداری کو یقینی بنایا جا سکے۔اماراتی ٹریفک قوانین کے مطابق، ضبط شدہ گاڑی چھڑوانے کے لیے مالکان سے فیس وصول کی جا سکتی ہے، اور یہ فیس 1 لاکھ درہم تک ہو سکتی ہے۔ اس قانونی کارروائی کا مقصد ٹریفک قوانین کی پاسداری اور بچوں کی حفاظت کو یقینی بنانا ہے۔ پولیس کے مطابق، ایسے واقعات کو روکنے کے لیے سخت اقدامات کیے جا رہے ہیں اور والدین سے بھی کہا گیا ہے کہ وہ اپنے بچوں کی نگرانی کریں تاکہ کسی بھی ناخوشگوار واقعہ سے بچا جا سکے۔
