محکمہ موسمیات کی پیشگوئی: تیز ہواؤں اور گرج چمک کے ساتھ بارش متوقع

محکمہ موسمیات کی تازہ ترین رپورٹ کے مطابق، ملک کے بیشتر اضلاع میں موسم سرد اور خشک رہنے کی توقع ہے۔

 تاہم، شمالی اور مشرقی پنجاب، کشمیر، اور گلگت بلتستان کے چند مقامات پر تیز ہواؤں اور گرج چمک کے ساتھ مزید بارش اور پہاڑوں پر برفباری کا امکان ہے۔

لاہور: شہر لاہور کی فضا میں خنکی برقرار ہے، جہاں سورج کی کرنیں بکھر رہی ہیں۔ آئندہ 24 گھنٹوں میں بارش کا کوئی امکان نہیں ہے۔ موجودہ درجہ حرارت 11 ڈگری سینٹی گریڈ ہے، جو زیادہ سے زیادہ 20 ڈگری سینٹی گریڈ تک پہنچ سکتا ہے۔ ہوا میں نمی کا تناسب 99 فیصد ریکارڈ کیا گیا ہے۔ حالیہ بارشوں کے بعد فضائی آلودگی میں نمایاں کمی آئی ہے، اور لاہور فضائی آلودگی کے اعتبار سے 31 ویں نمبر پر آ گیا ہے۔ شہر میں ایئر کوالٹی انڈیکس (AQI) کی مجموعی شرح 98 ریکارڈ کی گئی ہے۔ مختلف مقامات پر AQI کی شرح درج ذیل ہے:

امریکی قونصلیٹ: 44
سید مراتب علی روڈ: 92
شاہراہ قائداعظم: 74
جوہر ٹاؤن: 96
عسکری ٹین: 144
کوٹ لکھپت: 91
کراچی: کراچی میں آج دن بھر مطلع ابر آلود رہنے کا امکان ہے، جبکہ شام اور رات کے اوقات میں کچھ علاقوں میں ہلکی بوندا باندی متوقع ہے۔ موجودہ درجہ حرارت 22 ڈگری سینٹی گریڈ ہے، کم سے کم درجہ حرارت 18 سے 20 ڈگری سینٹی گریڈ جبکہ زیادہ سے زیادہ 33 ڈگری سینٹی گریڈ تک جانے کا امکان ہے۔ ہوا میں نمی کی مقدار 61 فیصد ہے، اور شمال مشرقی سمت سے 6 کلومیٹر فی گھنٹہ کی رفتار سے ہوا چل رہی ہے۔ ہوا میں آلودہ ذرات کی مقدار 199 پرٹیکیولیٹ میٹر ریکارڈ کی جا رہی ہے، جو مضر صحت ہے۔ کراچی دنیا کے آلودہ ترین شہروں میں تیسرے نمبر پر ہے، جبکہ پاکستان میں سب سے آلودہ شہر قرار دیا گیا ہے۔

اسلام آباد اور خیبرپختونخوا: اسلام آباد اور گردونواح میں موسم سرد اور خشک رہنے کی توقع ہے۔ خیبرپختونخوا کے بیشتر اضلاع میں بھی موسم سرد اور خشک رہے گا، جبکہ بالائی اضلاع میں موسم شدید سرد ہوگا۔ مری، گلیات اور گردونواح میں مطلع جزوی ابر آلود اور موسم شدید سرد رہنے کا امکان ہے۔

پنجاب: پنجاب کے بیشتر اضلاع میں موسم سرد اور خشک رہے گا۔ تاہم، نارووال، سیالکوٹ، جہلم، لاہور، فیصل آباد اور گردونواح میں چند مقامات پر ہلکی سے درمیانی دھند چھائے رہنے کی توقع ہے۔

سندھ: سندھ کے بیشتر اضلاع میں موسم خشک رہنے کا امکان ہے۔

کشمیر اور گلگت بلتستان: کشمیر اور گلگت بلتستان میں موسم شدید سرد اور مطلع جزوی ابر آلود رہنے کا امکان ہے۔

بلوچستان: بلوچستان کے بیشتر اضلاع میں موسم سرد اور خشک رہنے کا امکان ہے۔ تاہم، کوئٹہ، زیارت، قلات، موسیٰ خیل، قلعہ عبداللہ، پشین، خاران اور گردونواح میں تیز ہواؤں اور گرج چمک کے ساتھ بارش جبکہ شمالی بلوچستان کے پہاڑی علاقوں میں برفباری کی توقع ہے۔موسمی حالات کے پیش نظر، شہریوں کو مناسب احتیاطی تدابیر اختیار کرنے کی ہدایت کی جاتی ہے۔