صوبائی دارالحکومت لاہور میں فضائی آلودگی کی صورتحال بدستور سنگین ہے، جہاں شہر کا اوسط ایئر کوالٹی انڈیکس (AQI) 329 ریکارڈ کیا گیا ہے۔
اس کے نتیجے میں لاہور دنیا کے آلودہ ترین شہروں میں دوسرے نمبر پر موجود ہے۔ اس وقت دنیا میں آلودہ ترین شہر دہلی ہے جس کا ایئر کوالٹی انڈیکس 386 ہے، جبکہ ڈھاکہ 435 کی ایئر کوالٹی انڈیکس کے ساتھ پہلے نمبر پر ہے۔لاہور کے مختلف علاقوں میں آلودگی کی شدت میں نمایاں اضافہ دیکھا گیا ہے، جیسے کہ فیز 8 ڈی ایچ اے اور ویلنشیا ٹاؤن میں بالترتیب 486 اور 485 کا ایئر کوالٹی انڈیکس ریکارڈ کیا گیا ہے، جو کہ شہر میں آلودگی کی سنگینی کو ظاہر کرتا ہے۔
محکمہ موسمیات نے لاہور میں بارش کے امکانات بھی ظاہر کیے ہیں، جو ممکنہ طور پر آلودگی کی صورتحال میں بہتری لا سکتی ہے، تاہم بارش کی مقدار اور وقت کی پیش گوئی ابھی تک غیر یقینی ہے۔ آلودگی کی بلند سطح نے شہریوں کی صحت پر منفی اثرات مرتب کیے ہیں، خصوصاً سانس کی تکالیف اور دیگر بیماریوں میں اضافہ ہو رہا ہے۔
