پاکستان کے خیبرپختونخوا کے وزیر اعلیٰ سہیل آفریدی کے ضمنی انتخابات سے متعلق بیان اور دھمکی آمیز الفاظ کے معاملے پر الیکشن کمیشن نے نوٹس لیا ہے۔
الیکشن کمیشن نے آج صبح اجلاس طلب کیا ہے، جس میں سہیل آفریدی کے حوالے سے مناسب قانونی کارروائی کا جائزہ لیا جائے گا۔ دوسری جانب، ترجمان وزیراعلیٰ نے بیان دیا کہ وزیراعلیٰ کے بیان کو سیاق و سباق سے ہٹ کر پیش کیا جا رہا ہے۔ترجمان کے مطابق، وزیراعلیٰ کا پیغام صرف قانون کے نفاذ کی جانب تھا، اور انہوں نے کسی کو دھمکی نہیں دی۔ انہوں نے کہا کہ انتخابات میں مداخلت جرم ہے، اور قانون کی مکمل پابندی کی جائے گی۔سہیل آفریدی نے ایبٹ آباد جلسے میں کہا تھا کہ 23 نومبر کے ضمنی انتخاب میں تحریک انصاف کی امیدوار کی کامیابی یقینی ہے، اور انہوں نے انتظامیہ کو خبردار بھی کیا کہ اگر انتخاب کے دن بدمزگی ہوئی تو ان کے عہدے ختم ہو سکتے ہیں۔
